24. mars 3. sunnudagur í föstu Sunnudagaskóli kl. 11, Biblíusaga og brúðuleikrit, söngur og gleði. Ávaxtahressing í lokin og mynd til að lita. Guðsþjónusta kl. 14, sr. Bryndís Malla Elídóttir prédikar og þjónar fyrir altari, Kór Seljakirkju leiðir almennan safnaðarsöng, molasopi að messu lokinni.

Sunnudagaskóli kl. 11 með söng og gleði. Brúðuleikritið verður á sínum stað og allir fá nýjan límmiða í Jesúbókina, ávaxtahressing í lokin. Guðsþjónusta kl. 14. Þorgils Hlynur Þorbergsson guðfræðingur prédikar og sr. Bryndís Malla Elídóttir þjónar fyrir altari. Kór Seljakirkju syngur og Tómas Guðni Eggertsson leikur á orgelið, messukaffi í lokin.

Slökun og bæn á miðvikudögum kl. 17:15-17:45. Bryndís Malla Elídóttir leiðir stundirnar og kennir slökunaræfingar og bænaiðkun á kristnum grunni sem eflir núvitund og getur unnið gegn streitu og álagstengdum kvíða. Stundirnar eru öllum opnar og þátttakendum að kostnaðarlaustu. Boðið er upp á barnagæslu með ávaxtahressingu á meðan.

Sunnudagaskóli kl. 11, gæðastund fjölskyldunnar með söng og gleði, brúðuleikhúsi og Biblíusögu, nýr límmiði og ávaxtahressing í lokin. Messa kl. 14 með altarisgöngu, sr. Bryndís Malla Elídóttir prédikar og þjónar fyrir altari, Tómas Guðni Eggertsson leikur á orgelið og Kór Seljakirkju syngur, konudagskaffi í lokin. Guðsþjónusta í Skógarbæ kl. 15:30.